روابي ..
:
وإن كتب ربي اشوفك ؟
ب أوقد أشواقي شموع
وأنثر أنفاسي عطر
وأذرف الفرحه دموع !
..
ورحت لك الصبح على موعدنا
رحت قبل الموعد ب عشر دقايق
وإنتظرتك وأسياط الخوف والظلام والبرد تجلدني , ولاني مباليه
كان كل اللي أبيه :
صباح الخير ( مِنّك )
الواحده بعد الأخير
العام كان البارحه
واليوم عامٍ غير .. قالت :
صبـاح الخيـر !
في تقاويم البشر العاديه يعتمدون على حسابات الفلك
في تحديد بدايات الأعوام
وأنا لا أعترف بالتقاويم البشريه ولا أنتمي لها
إخترتك تقويمي
وإخترت وجهك .. عشان يكون بدايات عامي !
وإخترت بدايات عامي من شوف وجهك !
نور الدنيا .. ودّي آقول له :
اللي بيني وبينه كان أحلام .. كان غرام
ماودّي أنسى
شوقي له
روحي له
كلّي له .. وشلون أبنسى ؟
وأحسّ إن نوال ماغنّت غير لإحساسي فيك !
,
ودخلت الكليه اليوم
ومن بين زحمة المحاضرات والكلمات والإجابات
والاسئلة والإختبارات
كان يقفز وجهك المبتسم الحنون بذاكرتي ويخليني غصب أبتسم من قلب قلبي !
كنت أقول :
لا ماراح أمرّ على مكتبك بدون شي
فششله أكيد بتقولين وش جابها !
بس ماقدرت !
إنتهى البريك ولا إنتهى إحساسي
ولقيتني بلا شعور أسحب يدين صديقتي :
على وين هند ؟
: على مكتب الدكتورة ...
: هههههه ليه
وجاوبت ب حيا
: لازم أسلّم عليها أو على الأقل اشوفهاا لو من بعيد !
: هههههه طيب طيب
ورحنا مرّيت على مكتبك وقلبي يدق
وصرت أقول بصوت عالي لاشعورياً :
يااااااااااارب ياااااااااارب تكون فيه
إن شاااء الله إنها فييه إن شااااء الله
ولمحت مجموعة دكتورات مجتمعين على طاولة مستطيله
وكنتي إنتي بمقدمة الطاولة
وكأنك مترأسه الإجتماع
وكان وجهك جهة الباب
وكان يفصل بيني وبينك نافذة زجاجيه صغيره
وقفت قدامها بكل حب وحيا وتبّسم
صرت أناظرك وماهي إلا ثوان وجت عينك بعيني
إبتسمتي من القلب
ورفعت يديني ولوّحت لك بيديني بكل طفولة قلب !
وقلت ( وأنا ادري إنك ماتسمعيني ) وبيننا جدار :
هلا واللللللللله ياعمرررري !
إبتسمتي مره ثانيه وأشرّتي لي أنتظرك
إستحيت بجد
كان كل همّي وكل شغلي أتطمن بس إنك مداومه
إنك موجوده
حتى لو مانلتقي
حتى لو مانقول صباح الخير !
إحساسي بوجودك حولي
يسوى ألف صبح وألف خير !
ولا إكتفيتِ ب زرع البسمه على قلبي قبل وجهي
صحّيت من النوم على مسج جاني منك على جوالي :
آسفه حبيبتي لأني ما إلتقيت فيك
كنت منشغله بإجتماع
عساك بخير دايم !
وإبتسمت مره ثانيه من قلب وشعور
ورددت : أنا بخير والله
دامنك موجوده بحياتي !
وعلى نطاق ومحيط يومي !
تأكدي أنا دايم راح اكون بخير !
أحبّك ياقلبها
,,
وكنت متأزمّه اليوم
مصروفي إنتهى
وأبوي تأخر ب تحويل الفلوس
كانت الدمعه بعيني وكنت أغالبها
كنت مقهوره !
من الأربعا وانا طالبه من أبوي فلوس
وإلى هاليوم ماشفت شي !
إنقهرت !
صح انا للحين باقي عندي فلوس
لكن مسألة إهماله لي جرحتني آلمتني كثييييييييير !
وأرسلت مسج :
عمري ماطلبت منك ريال إلا وانا فعلاً محتاجته
ولاّ خلاص عشاني بعيده نسيتوني وأهملتوني :( ؟
ونمممممت !
قمت على مليون إتصال من اخوي
صلّيت بهدوء وأنهيت صلاّتي وألقى جوالي يدق مره ثانيه
ردّيت وقال بإبتسامه باينه من صوته :
أجل الأحوال صعبه ههههه ؟
قلت : اي ع الحديده ههههههه
قال : ألف مره قلت لك من وانتي بأولي
مو بس أبوي اللي مسؤول عنك
حتى انا مسؤول عنك وتفداك فلوسي كلها
يالله عطيني رقم حسابك
أرسلت رقم حسابي بمسج
وماهي إلا ثواني ويوصلني هالمسج :
هنّود هذي آخر مره أسمع أو احس إني محتاجه شي ولا تكلميني
ترا والله من جد زعلت ومو حلوه بحقي
بس هالمره سماح المره الثانيه جد بزعل عليك
بس ارسليلي مسج انك تبين أي مبلغ وراح أرسل لك بنفس الوقت
انا اخوك الكبير ومعك على الحلوة والمرّه وأحبك مهما صار
ولا راح أقصر معك لين ماموت هذا وعد منّي !
وردّيت ودمعه بعيني :
ياحبيبي انت الله يحفظك ويخليك لي ولايحرمني منك ياتاج راسي
اهم شي انك حسيت فيني حتى لو ما ارسلت !
وآآآآخ من فراقك ي أخ !!
