كـل مـا اكتشفـت مـن الأصاحيـب بــلا ّس
أقــــــــــول يالله جـــــعـــــل فـــــالأمـــــر خـــــيــــــره
خيره تعرف إن بـه مـن أصحابـك اخسـاس
خـــيــــره ولـــكــــن يـــــــا عــســـاهـــا الأخــــيــــره
أقــســـى جـــــروح الــنـــاس تـغـلـبــه بــنــعــاس
مـــــــا يـــذبــــح الإنــــســــان إلا .. ضــمـــيـــره
بـعـض الـبـشـر مـثــل ابتـسـامـات الاعـــراس
عـــلــــى كـــثــــر مـــاهــــي مــثـــيـــره ضــــريــــره
وحـيــد ولا عـنــدك مـــن الـنــاس جــــلا ّس
أخـــيــــر مــــــــن شــــــــر الــــكــــلام وســعـــيـــره 

احبه واللي خلق هاليدين
احبه ب اوجاع الدنيا كلها واحزانها وابتساماتها

احبها على قد الحنيييييين والشوق اللي بقلبي
احبه على قد جدار البعد اللي انرسم بيننا ولا عارفه متى بينهدم ؟

احبه على قد ماهالناس يحبون
احبه على قد ماحبيته في كل لحظة واكتشتفت اني فعلا ماكنت احبه
إلا باللحظه اللي بعدها

لبست ثوب الرجا والناس قد رقدوا
و بِت اشكو إلى مولاي ما أجد

..

فِرّي من الحزن فرارك من الأسد ياهند الغاليه
الله اعلم بحآلك ولكن اهرررررررررررربي 

3

ماخططت لهالشي
ولاعمري رسمت لنفسي إني اكون بهالمستوى من التعلق
ولا عمري رسمت لنفسي او توقعت اني بنجرف لهالمستوى الدقيييييق من التواصل الروحي !

ولاعمري توقعت اني بتنزل دمعتي كثييييييير كثيييييير عشان انسان واحد
ولا عمري توقعت إني بتعامل مع الشخص لاحبيته بهالمنطق من التراجع الكثير من الحب الكثير والخوف الكثير والغيره الكثيره
والشوق المرهق والكثير الكثير !!

انفجر وأطلب البعد وأختاره
وأرجع بعد دقايق أتراجع عنه وأبكي وأعتذر وأحلف إني كذابه

أكثر شي اتعبني
اني اعيش شخصيه ثانيه ماهي شخصيه

أعيش بمباديئ جديده
أعيش بتصرفات جديده

أعيش  ب عشق أخذ كل مافيني
ولا بقى لي حتى النفس !!

2

انا مبعثره ياصاحبي
انا تعبت من الحديث لمجرد الحديث

لو في الحديث راحه كان مليت هالصفحات
لكني أحس اني انفخ بقربه مفقوعه !

احاول اخلق من المي و وحدتي واحساسي المتضاعف بالغربه
والخوف والقهر والحزن والحسره

واحاسيس ابشع واكثر واكككككثر

احاول اخلق منها جو ابداعي غصب

بعد التجاهل المتعمد والغير متعمد لباقي تفاصيل حياتي اليوميه الممتعه
وانعزالي بعيداً عن نفسي .. ولكن مع نفسي !!

وآآآآه يانفسي !
ضيعت عمري في طرقات الحياة .. أبحث عنك
وبعد ماوجدتك أضعت نفسي

وما أصدقها هالعبارة !

انا اجهلك
اجهل وش صار وش صاير وش بيصير

الأمور ماشية لوين ؟

اكره المجهول
يحسسني بغضب شديد

احب لما تسألني المعلمة سؤال او تقول لغز بالإبتدائي
إني أقول لها طيب أستاذه قولي ع الأقل اول حرف !

ماحب المجهول اللامتناهي والمتنامي الاطراف
واللي يفرض علي السباحه بالتفكير بلا وجهه معينه

أكره الأسئلة المفتوحه
واللي تحتمل ألف اجابه
أكره التعميمات والبلايز الواسعه اللي ماتبرز أدق تفاصيل أنوثتي

وبالمقابل ..
اقدس التفاصيل والأجزاء

ثاقب وألاحظ كل تفاصيل التفاصيل
كن البشر عرق وعيوني مراياتي

وهذا ماقتلني بقصتنا
تفاصيل التفاصيل .. اللي حرقت الاخضر واليابس بقلبي

معقولة أني أبكي يوم كامل لين تحترق عيوني
بس عشاني سألتك كم سؤال عن صحتك بدافع الخوف الجنوني الأمومي عليك والإهتمام !
وألقى علامة الآر لساعات بالبيبي بدون .. رد !!


ياقوووووووووها ع قلبي
( ومنك إنت بالذات وبس )

أبرسم لليتيم أحضان أم , وللحزين شفاه

يتيم صح , لكنّه يتيم نسب
و أنا أمّه غصب عنه , مو برضآه

لمّا سألته عن أمه المتوفاه
انا ماعاد لي ام
كلمة ام ما انخلقت لي
كلمة أم انخلقت لغيري
انسي ان لي أم ولا عاد تفتحين لي هالموضوع

قلت :
إلا بالعكس
انت عندك بدال الأم 3
امك الله يرحمها
وجدتك
وانا امك

انا اكثر من يحبك ويخاف عليك ويداريك
وانا الوحيد اللي بتطعنه ويقول لك : بَعد سم ..

,

انا مجموعة انسان (كنت)
والحين ( بقايا إنسان )
قضى عليه الإنتظار والخوف والحسرة والهم الطويل
والشوق اللي أطول اطول من طويل !
والدمع اللي أخذ مني , أكثر مما عطى

ولا أقول غير الحمدلله

انا كل ماكتبت عنك تجمعت في عيني ألف دمعه
انا كل ماكتبت عنك نزفت في قلبي الف جرح
انا كل ماكتبت عنك بكى قلبي الف الف الف مرة ولا أرتوى !

انا كل ما اكتب عنك
أبتدي فيك ولا أنتهيييييك ولا أنتهيييييك ولا أنتهيييييييك !

تجبرني العاطفه
وتتفجر الحروف قصايد شعر وخواطر
و أوقف .. أفكّر
وتتبعثر افكاري وخواطري !

وليه وعشان مين ؟

عشان انسان
حلمت فيه وجآ فوق ماتمنى !

انا الانسانه اللي 9 شهور وأكثر
تعيش واقع اشبه بالحلم كثييييييير


تمرنا لحظات نحسها أقرب للحلم
لكني الحين أعيش هالواقع لي شهوووور ولاني قادره استوعبه
ولاني قادره أرتب افكاري
ولاني قادره امسك خيط ابدا منه الكلام عن قصتي

بداخلي قصور عشق تنبني
بداخلي براكين وله وشوق وخوف وغيره

بداخلي مدن وبلااد وقارات بأكملها
كلها حنييييييييييييين لذاك اللي ترك قلبه بين ضلعيني
واختفى او اخفته الحياه .. ( دقايق ) او مرات ( ساعات )

لكنها قاتله
والله العظيم قاتله !

ودمعة تهطل .. ويتوقف الكلام المباح لحد الصباح 

اشياء صغيرة مقرفة ! ..

* مديرة السكن وسوّت اللي ب راسها وظلمت مجموعة البنات
وطيّرتهم وقطعت أرزاقهم وبفعل الواسطة الوصخه جابت ربعها اللي .. ماودي أتكلم اكثر عنهم !

حسبنا الله ونعم الوكيل عليها وعلى بقاياها المنتشره في مبنانا
حسبنا الله عليهم الف مره إن كان في المسألة ظلم وقطع أرزاق

اللهم إني أسألك ان تقتص لعبادك منها
إنك على ذلك قدير

* خوفي في مقابل غيرته الشديدة المجنونة المتعبه
هنا نقطة وإنسحاب ودي , ودمعة مكتومه في القلب
وغرق بالدراسة والكتب والنت والتنظيف
ومحاولة نسيان
وماهي إلا تناسي وليست نسيان !

الله يعلم وش بيصير علي و عليه
تملاني الظنون والشكوك غصب

تملاني رعب رعب رعب من بكره
اللي أشوفه قريب مهما إبتعد

لكن عزائي أن امر المؤمن خير
أمر المؤمن خير
أمر المؤمن خير


اللهم لك الحمد على ماحدث وعلى مايحدث الآن
وعلى ماسوف يحدث


اللهم إرزقني نفساً راضية مطمئنة بقدرك
اللهم إرزقني نفساً تتقلب خيرك وتراه على أنه خير ..
اللهم إرزقني قلباً راضياً
ولساناً شاكراً

يارب لاتهلكنا ب غضبك ..

وإنتفضت السماء غضبى .. تماشياً مع القدرة الإلهية
وإنتفض قلبي ذعراً وخوفاً

اللهم إني أشهدك بجوارحي هذه التي أخط فيها
والتي صنعتها وكوّنتها وأوجدتها وحفظتها لي حتى الساعة
أن ترحمني وتغفر لي ضعفي
أن تتجاوز عن كل معصية سعيت لها بكل هذه الجوارح ضعفاً من نفسي وتغلبّا لهوى نفسي على إرادتي
اللهم لا إستخفافاً بك ولا بعظمتك
اللهم ردني إليك رداً جميلاً

اللهم أعني على نفسي
اللهم أعني على ذكرك وشكرك وحسن عبادتك

اللهم تقبّل توبتي وإغسل حوبتي
وطهرني من الذنوب والخطايا

اللهم إني اسألك مغفرة لما سبق ورحمة وهداية ونوراً لما بقي
يارحمان السماوات والأرض
يامن ذلّت له الرقاب وخضعت له الصعاب
سبحانك ما أعظمك
سبحانك ماعصيتك إلا جهلاً بك وبقدرتك

اغفر لي جهلي و زللي
تولّى امري

اللهم أنت حسبي ف تولّى أمري
أعني على قلبي وروحي ونفسي

لا إله إلا انت سبحانك إني كنت من الظالمين
وإن لم تغفر لي وترحمني لأكونن من الخاسرين 

والله ماني مهملك في حياتي
لكن حياتي كلها ( اتعبببببتني )

..
توقّف الحروف والأفكار
لأن الحياة في روحي متوقفه من اياااااام وشهووووور

والذنوب تراكمت وغطّت هذاك اللي يسمونه قلب
وهذيك اللي يسمونها روح !

الروح متذبذبه وضايعه وحايره وتعبانه
تبي من يضمها ويهدي خوفها

والعين تذرف دمعها ولا تلقى من يمسحها !

اخاف من الخذلان
اخاف كل ماقرب موعد الإجازة
اخاف من الخذلان

اتمنى ظني يخيب
اتمنى تنجح قصتي

غصب عني أعيش بخوف
لما اشوف الموقف السلبي البارد الصامت
ولما اشوف قصص غيري


يارب رحمتك 

الشششوق يآخذني عليك ( إنت ) بالذآت

ويستعمرني ويحتلّني
يمشي مع جزيئات دم وينتشر في كل خلايا جسمي
وينفجر بين أصابعي حروف شعر .. وخواطر قلب ( سهّره الوله )

تكيّفت على ظروف كثيره بهالحيآه
إلا بُعدك ( النسبي )
كيّفت روحي ب كل يوم أصحى فيه
وكيّفت عيني ب كل لحظة أفتحها ولا ألقاك
وكيّفت سمعي وكل كل كل حواسي .. على إني ما أتكيّف

أصدرت الأوامر لعقلي و زرعت الإحتجاج فيه

 * يآ من جمعت بدآخلي عدّة أوطان , زاد إحتجاج شعوبها من ظروفك


أحبّك .. هذا ترا آخر كلامي وأولّه كلّه ..

وكيف أهرب منه ؟ إنه قدري

قال : هاك الورد كلّه .. قلت : هاته
وإنت : هآك اللي لغيرك مآعطيته

..
أحبّه واللي خلق هاليدين اللي تكتب !
أحبّه واللي خلق هالقلب اللي ما دقّ بهالجنون والعمق والحزن إلا له
أحبّه واللي خلق هالعينين اللي مآحرقها الدمع لأحد قبله
أحبّه واللي خلق هالعروق اللي كل الدم اللي يجري فيها يفداه يفداه يفداه

أحبّه بجنون صبيه
بعشق فتاه
بحنان أم

أحبّه ب رحمة وعطف تغطي الكره الأرضيه

أحبّه رغم الغياب والجفا والبعد والقسا مرّات
أحبّه
وأحن وتنهار كل سدود كبريائي
لحظه ما المح دمعته او ضيقه او حتى الآه منه

..

ماذا أقول له لو جاء يسألني ... إن كنت أكرهه أو كنت أهواه ؟ 

ماذا أقول : إذا راحت أصابعه ... تلملم الليل عن شعري وترعاه ؟ 

وكيف أسمح أن يدنو بمقعده؟ ... وأن تنام على خصري ذراعاه ؟ 

غدا إذا جاء .. أعطيه رسائله ... ونطعم النار أحلى ما كتبناه 

حبيبي! هل أنا حقا حبيبته؟ ... وهل أصدق بعد الهجر دعواه ؟ 




ما لي أحدق في المرآة ... أسألها بأي ثوب من الأثواب ألقاه 

أأدعي أنني أصبحت أكرهه؟ ... وكيف أكره من في الجفن سكناه ؟ 

وكيف أهرب منه؟ إنه قدري ... هل يملك النهر تغييرا لمجراه ؟ 

أحبه .. لست أدري ما أحب به ... حتى خطاياه ما عادت خطاياه 

الحب في الأرض . بعض من تخلينا ... لو لم نجده عليها .. لاخترعناه 

ماذا أقول له لو جاء يسألني ... إن كنت أهواه. إني ألف أهواه

تفجر الف صوتــ(ن) غاضبــ(ن) مـن نيتـك فيـهـ !!
نويت أجرحك لكن / طفيت وقلـت لـك " تِسلـم " ..!
وفيَّهـ هالحناجر ( تدفن ) أصواتـي وهـي حيَّـهـ !!
ويبقي صمتي الصارخ يزلزل كل من به صم !
نسيت الوقت يوم إنَّه نوى لك وألهب الكيَّـهـ !!

تجيني محترق صـدرك تصيـح الـ آهـ / تتألـم ..! 


واقوم لصيحتك فازع : أفاااا خل الجمـر / ليـَّهـ !!

فمان الجرح رح لاتلتفـت يمـِّي ولا تهتـم ..
عيونك ذنبها أكبر مـن إنِّـي أقبـل [ الديَّـهـ ] ..!!
ولو هي غيمتين من الندامهـ ينزفـون الـدم ..

بخون الذاكره وشلون ؟؟ أبي قصَّتك منسيَّـهـ !!

انا اللي اكرهك واحبك ..

* إختفاء تام من بعد الساعه 4 العصر الين الساعه 10 الصباح اليوم الثاني
* 18 ساعه غياب وين أصرفها .؟
* إنهيارين وشلالين دموع وين أصرفها ؟
* خوف مجنون وإرتباك وقلب متوتر ومنحرق وين أصرفها ؟
* تعب ومرض ولا ألقى حتى كلمة سلامتك ؟
* إتصالات مجنونه مجنونة ولا ألقى رد أو حتى بيزي ؟
* كلام في البيبي ومناشدات مستميته مستميته لأجل القلب اللي ينزف - وألقى قراءة بدون رد ؟!
* الصبآح ما ألقى ولا إتصال ولا ذرة إهتمام
* الصباح ألقى حلم يفززني مرتاعه عليه .. حتى بالأحلام ملاحقني
* الصباح ألقى برود فيه تنغيز عن سوء الظن !
* الصباح ألقى من العالم كله ورد وأشواق وإبتسامات
وألقى منه برود بالإهتمام القى برود يجرحني
ألقى ردة فعل سريعه للغياب
ألقى ألف دمعة بعيني تنتظر الهطول ولا مين يمسحها

وآآآآآآآآآآآآآآآآآآآآآآآآآآآه مين يضم الصدر ويسمي عليه ؟
مين يضم الصدر ويسمي عليه ؟
مين يضم الصدر ويسمي عليه ؟

سالت : وش فيك ؟
: الحمدلله بخير مافيني شي
: طيب احلف ؟
: الحمدلله بخير
: طيب وصحتك ؟
: الحمدلله بخير

وفجأه
وبعد ماقلت احبك وإشتقت لك
وخفت عليك وبكيت عليك دموعي ماوقفت الفجر من خوفي

: ماله داعي تخافين !
مافيني شي

: وشلون ماخاف وانا مدري عن شي عنك :(

: هند
تحبين أمي ؟

سكتت من الصدمة

وقلت : اكيد اي
بس ليش تسأل ؟

: وليش ما اسأل

: يعني هذا شي بديهي
توقيت سؤالك غريب

: آآآآآه انا مو بس احبها انا امممممموت فيها
والله امممممممموت فيها

- كل ماتذكرت النبرة
كل ماتذكرت التنهيده وكمية الشوق والتأثير اللي فيها
نزلت دمعتي الف الف مره من الغيره !!

مرّت ساعه
مرّت ساعه وللحين دموعي تنزل من الغيره !!

..

أوعدك والله وأحلف لك يمين
وأحلف بإسم اللي ماتغمّض له عيون
إني ما أحكي أي شي في داخلي لو كلمتين
وأتركك على راحتك ومثل ماودّك يصير !
وأعتذر لك عن
إهتمامي
وغيرتي
والدمعتين !!
يمكن إني ( مبالغ فيهم وضايقتك كثييييييييييير )

..

سكتت وقلت :
طيب ليش ماتروح تزورها بالقصيم ؟

: لالا

: بالعكس احسن انك تزورها !

: ان شاء الله بزورها قريب
بس قبل بسوي لها شغله

- يعني انا ماسوّا لي شي
انا الحيه انا اللي حوله
انا اللي اداريه واخاف عليه من الغبار لايجرحه !!
وهو يفكّر وش يسوي لإنسانه متوفاه
ماقدرت اغنيه
ماقدرت اغنيه
ماقدرت اغنيه

: اها يعني بتتصدق عنها ؟

سكككككوت

ودموع تنزل
وقلب ماعاد يقوى ع المكابره

اناظر الجدران اللي حولي
ياترا هي تحس أكثر منه ؟؟

اناني
نذل
حقير
أسهر الليل أبكيه
وفجأه يقول لي أمي
طيب ويني انا ؟؟
وش موقعي من الإعراب !

طيب خوفي وين أصرفه ؟؟
أشواقي الكبيره !!
أحزاني
صدري قلبي اللي انجرح من يمسح عليه ويسمّي عليه
من يداررررريه ويداريني !!

تركني وأهملني يوم
عشان ذكرى إنسانه

تركني أتقلب بألم وخوف وقلق
وكل شي هااان عليه !!

قلت فجأه :
عبدالله

قاطعني وقال :
لحظة شوي

وأسمعه يكلم ولد خالته ويضحححك
ياتبن انتبه من ساهر !

بعّدت الجوال عن أذني وتنههههدت
وصرت أردد : يارب عط هالقلب صبر أكثر !!!

رجع وقال لي :
عذراً فاصل إعلاني :D

: لا عادي

عبدالله

- وسكوت منه -

رفعت نبرة صوتي
كأني ألفت انتباهه لي
كأني أقول انا هنا انا بحياتك ولا مستكثر تقول نعم ..

عبـــدالله
- قلتها وانا أصييييييييح واحاول اخلي صوتي عادي قدر الإمكان
كبريائي وآه منه , كان يستنجد فيني
يقول لي احفظي مابقى من بقاياي
احفظيه ياهند !! -

: اسمح لي انا بقفل الحين !

: وشو .؟
- قالها بصدمة وخوف
كنه أرعبه منظر الانهار اللي تجري ع خدي
كنه أرعبه صوت الرعد اللي يدوي بداخلي
وإنفجار البراكين اللي تغلي بصدري !!!

سكتت احاول أخلي صوتي مايخذلني ويفضح بكآي
ورجعت أقول :
اسمح لي انا بقفل الحين !

: طيب ليش ؟؟

- مارديت !!
وش بقى أرد عليه
وش بقى بتسويه لي

يمينك قد نوت بالشرّ ولكن خنجرك عيّا
غريبه ! كيف يرحمني جماد وانت ماترحم ؟؟

: هند
هند هند
هنـــد ليش بتقفلين
هنــد

- فجأه انتفض كبريائي مذعور
وقلت :
وصرت هند ؟؟

: وشلون .؟

قلت وانا اداري صوتي المخنوق من كثر الدموع :
وصرت تناديني هند حاف ؟
تدري من يناديني هند ؟
كل الناس اللي علاقتي فيهم رسميه !!


سكتت وقلت بعد دقايق صمت طويله
: انا بقفل .. انا تعبانة

: وانا بقفل جوالاتي كلها .. و انا تعبان أكثر منك
- قالها بنبرة غضب مجنون
قالها بنبرة هاديه بدون صرآخ أو رفع صوت
لكنها كانت تحمل ألف صرخه
كنت أحس فيه يضغط ع الحروف
كنت أحس ب غضبه وألمه وقهره !

قاطعته بقهر أكثر وقلت :
اهاا وصرت انا الغلطانه الحين ؟

: ماقلت إنك غلطانه
مو معناها إني بقفل انك غلطانه

: وقلبت السالفه علي ؟
كم مره سألتك انت تعبآن وتقول لي مافيني شي
كيف تبيني أعرف
ولمتى بتجلس تخبي عني ؟

: وزعلتي لأني ناديتك هند ؟

: زعلت لأني اعرف انك ماتناديني بإسمي حاف
إلا وقلبك شايل علي
وابي اعرف السبب

: لا ماني شايل عليك
مو بالضرورة اكون شايل عليك
انا كم مره فهمتك وقلت لك
اعرفي لما انادي اسمك حاف يعني فيني شي
واختفائي طول امس مو طبيعي
انتي تعرفيني ما اختفي كذا الا بسبب قوي

: أدري

: خلاص بتقفلين قفلي
وانتبهي على نفسك

- بكيت مره ثانيه وقلت :
يعني ماتعرف ليش بقفل ؟

: إلا اعرف

: لا ماتعرف

: والله العظيم اعرف

: والله العظيم ماتعرف
انا من امس خايفه عليك وبكيتك كثييييييير

: لاتتصوري انك الوحيده اللي تبكي
ترا انا ابكي عليك اكثر مما تبكين علي

: والحل ؟
نظل نبكي بعض يعني ؟

وبدت شلالات الدموع تنزل
وبين كل دمعه وشهقه صرت أعتذر وأقول :
انا اسفه ياعبدالله
يمكن اني مبالغه بغيرتي واهتمامي كثيييير

: لا مانتي مبالغه
بالعكس خذي راحتك

- قلت وانا ابكي مره ثانيه
: بس انت ماتسمح لي آخذ راحتي
راحتي ماتريحك

: إلا هذاني قلت لك قفلي لو تبين

قاطعته وقلت بكبرياء وقهر :
ان شاء الله اني بحاول اخفف من غيرتي وخوفي لين يختفون !!

قاطعني وقال بعصبية :
طيب انا بروح عند اجتماع

قلت له :
بكل رقة الأنثى
بكل نسيان لكل ماصار
بكل احتياج لأمان هذا الرجل

تعال معاي

: وين بتروحين ؟

: السوق

: الحين ؟

: اي

: خلاص بستاذن من اجتماعي واجي

سادت بيننا دقيقة صمت
قطعتها وقلت بكل حنان العالم :
أحبـــك

سادت دقيقة صمت ثانيه
قال فيها :
انا احبك اكثر مما تحبيني بكثييييييير صدقيني

قاطعته وقلت :
صدقني انا اكثر
يلا مع السلامة انتبه ع نفسك !!

..

مارحنا السوق وتكنسل شي
بس براكين الغضب تجري بداخلي للحين !
واحس فرغت كثير منها هنا

مدري وش أكتب لك على شان تقرآ .. ؟

منقهر مني
ومنكسر إحساسي كثييييييييييييير !!

ودي أنساك وياليت هذاك الحب ماكان

أصعب حب
وأصعب جرح هو اللي تلقى الكلام فيه مزدحم ومعلن زلازل بداخلك
ولاتقدر تعبّر عن حرف منّه

مرام .. ماعدت ولن أعود للتعبير لها
لانها تشيشني بكل مره !

وبكل مره بدال ماتكون محضر خير وعون لي ع إبليس
تزيد النار فيني
وتخليني ع العكس انكسر وانجرح عليه واتهاوش معها وادافع عنه
رغم إني بالأساس مجروحه منه !

وليش أشكي لها ؟

..
ماعاد أشكي إلا لنفسي يانفسي