يمكن اول كنت شغوفه بالحب
مأخوذة بمشاعري تجاه عبود

مو قادره افكر بالعقل عن مدى صعوبة وضعنا

لكن الحين توني استوعبببب
توني ابكي
توه يوصلني الشعور

ااااه بس

مدري علامي صرت ضايق و مليت؟

هل هو إحساسي بالملل او الفراغ؟
ظلام المعصيه ؟ ولا الم وحدتي بأسرتي ؟
علاقاتي الطفيفة ؟ ولا إحساسي بالوحده اكثر معاهم ؟

النوم ولا شكلي ولا لبسي ؟
فقداني لعبدالله ؟ 

مدري احس اني أعيش بقلب نصف مكسور

هل صحيح ؟
يبان علي ضايقه وطفشانه وأفكر وفي شي شاغل بالي 
هل صحيح ؟
الانسان الوحيد يحزن ويكسر الخاطر 
وليش مريم تقول ايش فيك قاعده لحالك 
و جميله تقول وين نوره عنك ؟

ليش ام نايف جات تدورني 
ليش كلما اجلس مع إنسان يفتح لي ملفاته كلها
من اول لقاء ع طول .. 

ليش ام نايف تكلمت لي عن كل شي 
ليش هنادي نفس الشي 
احس في أشياء غريبه صايره تصير 

قروب الانجليزي اللي علقت آمالي عليه
ليش كذا ممل ؟

هل انا غلطت غلطة عمري لما تجنبتهم 
وبنيت حاجز بعد ماكانوا فاقديني 

في أحد يحس بالكآبة مع المطر غيري ؟
ينعشني الجو الملبد الغيوم ..

لكن اول ماشوف النوافذ تبللت بالمطر
يمزقني حنيني لك
ي م ز ق ن ي

يأخذني لأيام مضت
يغرقني بالتعاسه

يفصلني عن حاضري
يوصلني ب اللاشيء
و هاللاشيء مؤلم
صدقني انه مؤلم جدا ..

المطر يذكرني بدموعي
بدموعي المحبوسة بصدري .. ع وجه ادق

المطر يذكرني بتذكرك لكلماتي :
الجو الحين جو عشاق

كان اهون عليك تعيش بعلاقه منفصلة لكن موجوده
بس انا ابد مقدر

ماكان عندي الا الفراق المؤقت
خلاص ماعاد اقدر أعيش بالمنتصف اكثر
منتصف الحب
منتصف المشاعر
منتصف الشوق
منتصف الدهشة
منتصف كل الأمور الحلوه الشاعرية اللي تضحك لها الدنيا
وهالمنتصف : دايم يكون بارد و قاتل

احس بمشاعري تسافر و ترجع
احس ب روحي ترفرف وهي مقيده

احس بقلبي طير يحاول يحلق
بس القفص مقفل ..

انا قلبي طفل مذعور
مثل صوت المطر طيشه
يجي كله بدون شعور
رغم صدك و تهميشه

.
.
الماضي والحاضر والمستقبل
يتزاحمون بداخلي
محدثين ضجه ما يسمعها الا انا

احس بداخلي براكين وأشياء تصرخ
بس هالأشياء ابد ماعرف ماهيتها

إحساسي ب فقدانك
إحساسي ب تقهقري امام المعصيه
وجود العله معاي بأكثر لحظات حياتي صفاء
امي واحساسي بالتفرقه ومعاملتها البشعة
البرود العاطفي اللي اعيشه مع أهلي
الفراغ و الشيطان اللي يجرجرني
وعبدالله اللي واحشني
واللي احس بتطول بتطول مرحلة فقدي له

دموع تنزل
ابكي يالمرشده
انتي بشر زيك زيهم
هذي العيون ما انخلقت عشان تشوف وبس
هذي العيون انخلقت عشان الدموع

من آخر عهدي فيك يوم ٢٨ ديسمبر
ما نزلت لي دمعه عليك
كل شي فيني تصلب من الخوف والدهشه

مستقبلي معك محفوف بالمخاطر والانتظارات والألم
اللي مدري هل بينتهي لما اوصلك ولا لا ..

بداخلي مدينه كل سكانها يحتجون
بداخلي بحر كل أمواجه عاتيه عاليه

في صدري سراج حزين ومكسور
رغم المطر والريح شلته ب دربك

والله ما به غير لوعاتي قصور
و خوفي عليك الله ربي و ربك

مدري ايش فيني كل شي بداخلي تجمد
وتهاوى
كل شي فيني خائف ويحاول يهرب
من ايش ماعرف
احاول أهرب من اللاشيء لكل شيء

ماعرف
مو قادره اخطط لحياتي
البعثه
و عبدالله و الوظيفه
والزواج بكبره
حلم الامومه
و الماده
و امي
والعاده السريه
وعلاقتي مع الله
أشياء قاعده تاكلني وتتآكل جواي

اممم ماعرف ايش اللي يخليني مندفعه بالكتابة
وهذا من الأسباب اللي تموتني ....

عبدالله
انت كنت بحلم بحياتي ؟ ولا حقيقه ؟
ليش احس بفرق كبير بينك وبين واقعي
احس اني لما اكلمك ادخل بآلة الزمن
وأروح لعالم ثاني مو معروف ولا مسبوق
احس اني انفصل عن حياتي الاساسيه
ليش كثر ماحسك متداخل بكل تفاصيلي
كثر ماحسك سراب
واقع أشبه بالحلم
عبدالله ليش انتظاري لك طول
ليش كلما قربنا خطوه نبعد الف
ليش اختصرت أحلامي فيك
ليش ماعندي احتياطات او مضادات للزلازل
او مخابيء ألجأ لها بوقت مطر الدموع او عواصف العواطف

ليش انا متذبذبة من عرفتك
لا قادره ارجع لك ولا قادره ارتاح ..

لو رحت عنك مت تشاؤم وحزن وحنين و وسوسه
و لو قربت منك مت من انفصالي عن حياتي
أصير ماعرف الا انت
احس كل الأشياء تافهه تااااافهه قدامك

مو قادره احقق توازن من عرفتك
حتى التوازن يكون لحظي و بسرعه يتلاشى و يتبدد
مع تداخل الايام ببعضها
وتزايد مشاعري


عبدالله انا قاعده احمي نفسي تتوفى اكثر
عبدالله احس اني امثل ع نفسي التفاؤل
ماعدت اعرف هل شعور حقيقي أو كذب
أحس أيامي متذبذبة بقوه
احس بعلاقاتي بأرحامي منخفضه
احس وأحس وأحس
أحاسيس كثيره ماعرف ماهيتها
لكنها متعبه مرهقه


عبدالله الحين ٩ وربع
اول مره يمر يوم من أيامي بدون انجاز
ابي اطلع امشي بالكورنيش
ابي اروح الظهران
بس اخاف تتعمق مشاعري
ماعرررررررف والله ..
ب إستخير
الحين ب اتعوذ من ابليس
هوت تشوكليت و قرآن
وبعدها كتاب و نت
و بعدها مشي بالكورنيش
و تسوق وصلة رحم .. و بسس

صباح النور ياقلبي
صباح الخير و السكر

افتقد صباحاتي الضاحكه معاك
افتقدني كثير

عارفه ان الشيطان بدا يلعب لعبته معاي
ع مستوى أقوى وأصعب
بما اني تركت العشق لأجل المعاصي وظلمة القلب
راح يحاول يوهمني اني للحين مستمره بالمعاصي
وما حققت اي نتيجه تذكر !

راح يحاول يضعفني ناحية الأغاني والعاده السريه اكثر
راح يحاول يحبطني و ييأسني
راح يحاول يموت الأمل جواي
ويصبغ تفكيري بنظره تشاؤمية

لكن انا لها !!

و ربي
(ان ربي رحيم ودود)

(فإني قريب)

يارب عونك 

راح اعتصم فيك و ألتجي لك

و ان شاء الله اقدر أوصل لراحة القلب 

مطر !
و روح حصه رفرفت بعيد

وانا ؟ و روحي ؟

افكر ارسل مسج أقول أحبك ..
ياترا يا عبدالله كيفك
وينك
ايش أفكارك عني

متألم مني
ولا تحسني خذلتك
ولا متفهم لموقفي ؟

ياترا رحلة عذابي متى تنتهي

قلبي صار يعورني بشكل يومي
المعاصي والقرب من الله .. حالي فيهم زي موج البحر

كتبت وانمسح وانقهرت

مافي حرف يشبهني هنا مؤخراً ؟
ولا اعرف ليش 

المطر يبشرني ب سعادات اكبر من اللي بخيالي بكثير
المطر أشوف فيه مستقبل اسعد
اشوف فيه عبدالله
عيون عبدالله
روح عبدالله
ريحة عبدالله
لمسات عبدالله
اشوف فيه أشياء اكبر من اني أحكيها
او اقدر أرتبها واسطرها بمربع رد
المطر انعاااااش لقلب تعبان
تعبان من أشواقه وعواطفه و أحاسيسه

عوده جديده عبر الهاتف الجوال
لأيام ولحظات اشتقت اسطر عنها .. و لهند اللي اشتقت اشتقت احكي عنها