حلمت فيك الايام الماضية
اول مرة حلمت انك تقول لي مفاصلي تعورني
المره الثانية حلمت اني اقرا عليك آيه ) ذلك ليعلم اني لم اخنه بالغيب ) وتكملها انت لي بهدوء ممزوج بعصبيه و ًتناقشني فيها
المرة الثالثة حلمت انك تقول هنود الحين سمح لي الطبيب اطلع ولا تخافين بجيك
المرة الرابعة حلمت انه رجعنا لبعض وكنا نسولف وفجاه أنقطعنا و رجعت اكلمك لقيتك مو مكلمني
أخذت بخاطري
وفجاه انتبهت انه احد مسوي لك حظر بالواتس و عرفت انه امي
وبعد ما شلت الحظر لقيت منك مليون رساله وكلام واشواق
جلست اصييييح وعصببببت و شافني عبدالرحمن وسألني شفيك ، صرفته بعذر من عندي
..
مدري ليه ما تطمني
مدري ليه امارس دور الواثقة فيك معاك وانا مو واثقة
مدري ليه كل ما قربت اوصلك ابببببتعدنا
وكلما ابتعدنا قرررربنا
خاطري اسمع صوتك 😭
مع ان ربي عوضني وسمعته بالمنام
خلاص صرت ماقدر اقول على نفسي محرومة - معاك
كل شي أبغاه ألقاه بأحلامي
ماعدت تقدر تحرمني من أي شي الا بالواقع
😭
..
حتى لو كانت النتيجة مريحة لكن الاعتراف فيها مؤلم
لان الحقيقه تقول انك حارمني من كل شي
حرمتني صوتك
حرمتني تسال عني تدورني تناقشني تبرر لي
حرمتني تتنازل لي تشتاق تحن لي حرمتني تكون مخلص لي
كم مره اعطيك فرص وتضيعها
عقلي خلاص نفض يده منك
وراح بنى لك مدينة فاضلة بأحلامه ، إنت ملكها
كنت اول اقول حتى لو جابتك الأحلام
بتبقى انت اروع ، لانك انت واقع
لكن الحين صرت مو متشبثه غير بالأحلام
كل شي منك يجيني مشوه
أحاسبك ع ايش ولا ايش
كل يوم القائمة تكبر
ودي أقولك : اذهبوا فأنتم الطلقاء
انت و بعدك و اخلاصك اللي ضاع واشواقك وحنينك اللي اسمع فيهم ماشفتهم
ودي 💔
ليست هناك تعليقات:
إرسال تعليق