سماء بلا حد

وصوته اليوم عبر أسلاك الهاتف
جاني قبل ساعتين .. حزين ويملاه الحنيييين !!

: هنود
كيفك شخبارك ؟
شخبار دراستك وحياتك كلها ؟
مشتاق لك من امس كثييييير !!
من أمس أتذكر أيامنا واحس إني مخنووووق !!
تذكرت طفولتنا وكل شي
لعبنا وبيتنا القديم يااااااه ضاقت فيني الدنيا
واحس إني بصيح والله !!

سكتت ورديت بس :
يااااااااابعد عمري انت !

مدري وش أقول ؟
ولا وش أكتب ؟

حروفي ماتسعفني قدّام إحساسي ناحيتك :(
قدام ذكريات الطفوله .. قدام حزني عليك كثير ومنك وفيك
وقدام أشواقي !!

أحبه ولا أبغضته على شيٍ يسويه

رغم كل شي ورغم أي شي
بتبقى بعيني كبيير .. وغالي .. وأقل ذكرياتك معي تستفز الدموع
وأشياء أكبر .. ماعرف أكتب عنها ولا أعبّر ولا حتى أفسّرها

وياصوتك اللي جاني بليل الرياض
بليلة تملاها الغربه والوحده اللي أهرب منها للنت وللكتب
ولصداقاتي العميقه وإحساسي المجنون !

وألقاني بلحظه قدّام صوتك
اللي يرجعني لكل شي

للطفوله والخبر .. ولك !!

وآآآهـ منك !!

أبغاك تبقى لي
وأبغى راحتك بهالدنيا
وأبي أسمع ضحكتك دايم !
وأبي أشوفك بعيني أكبر وأكبر !

ولا ودّي أسمع عنك بيوم إن في شي يضيق صدرك
لأن لك قلب أخت .. يبكيك شلالات من الدموع !
إذا قلت آخ .. يا أخ !!

وكل ماكتبت أحس الحروف أصغر !
أبي تعذرني
وتعذر إحساسي لو قصّر