- لكنّي أجمل من يحب
.. وأجمل من يفارق !
أنا أعطي ..
ظلمة الفرقا .. صباح !
ونور شارق !
وآنا لمّا تنتهي ..
قصة الحب وتروح :
يبقى قلبي ..
~ { طهر عاشق !
.. وقرات هالكلمات قبل ساعه في البيبي
وصرخت وسط هدوء الباص : هذا أنا وهذا قلبي !
..
ولا عمري توقعت ف يوم
إني راح أوصل لهالقناعات الحلوه
ولا عمري توقعت أصلاً إن الفراق بيجي !
بلحظة ما إقتنعت : إن هالشخص راح يصير ملازم لي طول عمري
وبعد ما تأكدت إني كل ماطردته من مستوى تفكيري .. ومن مستوى نظري وشوفي
رجع رجع رجع بشكل أقوى
بعد ما يأست من خروجه من حياتي وآمنت بوجوده
ونصبّته حاكم على قلبي وعطيته بيد التاج وبيده الثانيه الصولجان !
فجأه اختفى !
يقولون :
إذا أحببت شيئاً ف أطلقه
فإن عاد فهو ملكك !
7 سنين وأنا أطلقه للريح وللنسيان والحقد
7 سنين وأنا اختفي في دروب الحياه
ويرجع ويرجع ويرجع
الني آمنت ان خروجه مستحيل
إلين سجنته ب قفص قلبي .. وحطيت في يدينه قيودي الحريريه
فجأه كسّر كل شي وإختفى بليله ظلما بلا قمر !
وكانت ليلة خميس !
..
كنت أقول دايم :
في غيبتك ياااااكم تمنيت موتك
أقلّها أرتاح وأعرف مكانك
وكنت أقول :
لا ياخذني ولا ياخذ غيري !
ما ياخذني لأنه مايناسبني
ولا ياخذ غيري .. لأني راح أموت غيره وحسره وقهر !
وأنا أحس غيري ملكت تفكيره !
لكن بالسنتين الأخيره !
آمنت باللي قرأته
مره عن شخصيتي :
تتكلم عن الأحداث المستقبليه - بلا وعي - وكأنها ساحره او منجمه حقيقيه !
بلا وعي بلا وعي !
كنت أقول لساره :
أخاف يكون خطب غيري ونساني !
كتبت هالكلمة كثيييييير
ومحادثاتي المحفوظه بالبيبي والماسن تشهد لي بمخاوفي الغبيه
واللي ركزت عليها غصب
الين جا الواقع وأثبتها
حتى أبيات الشعر ماكنت أردد منها غير هالبيت
:
أشتاق لك
أحتاج لك
ودي أجييييييك
عاشق ! ويمنعني الحيا عن جيّتك
آصد عنك ومن سألني قلت : أبيييييك
عزّي لقلبٍ .. ماعرف وش نيّتك !
من كثر ما مل الصبر وأنا احتريك :
خفت الهوى في عين غيري بيّتك
من كثر ما مل الصبر وأنا احتريك :
خفت الهوى في عين غيري بيّتك
من كثر ما مل الصبر وأنا احتريك :
خفت الهوى في عين غيري بيّتك
وتحققت نبؤاتي ومخاوفي
- بس - لأني ركّزت عليها :d
شر البليه مايضحك !
وطار من سما القلب طير !
ولا طارت الذكرى الحلوه !
وأمس أفكّر
7 سنين وانا مشاعري حبيسة صدري !
7 سنين وإحساسي يذبحني شوق و وله وأكتمه وأدفنه خلف أكوام خجل وتردد !
7 سنين وأنا في كل مره ألمح فيها جدار بيته
أفكّر بس أدق جرس بيتهم وأقول لأخوانه : قولوا له في وحده بهالكون تحبه !
بكل مره أمرّ
بكل مره أرجع للخبر !
تنهال علي الأفكار الجنونيه وأستعذبها
وأذبحها بكل مره .. - بالنهايه - بألف حاجز وحاجز !
كنت أفكر أرسل له 7 وردات هي عمر .. عمري اللي كرّسته بالتفكير له
كنت أفكّر أعطيه أغلى سلسال ذهب كنت ألبسه ومنقوش عليه إسمي
وأقول له : لاتضيّعه ترا إن ضيعته ضيّعتني
كنت بأبسط مراحل جنوني .. أفكّر بس إني أبي أشوف أخته
وأضممممها ب كل قوّتي
بس عشان أحس إني ضميته
يااااه ياريحة الحبايب !
كنت بكل مره يطري فيها على بالي
وانا أتصفّح النت ومشغوله ببحوثي الجامعيه
أفتح قوقل وأكتب إسمه واسم عايلته بكل جنون !
وأسوي بحث .. ولا يطلع نتيجه !
سويتها مراااااات .. وكانت النهايه وحده .. ولا تاب قلبي من جنونه !
كنت أقول :
خلني أعيش حبي الوحيد
خلني أحبك من بعييييد !
حتى لو قلبك لغيري تمنحه
حتى لو دمعي بعيوني تلمحه
خلك سعيد بدنيتك
وأنا سعيد بشوفتك
بس الرجا كل الرجا :
قلب المحب لا تجرحه !
..
كانوا يقولون : ولو أخذ غيرك هند ؟
وأرد بكل جنوني : والله أذبحه !
كنت أعتبره جزء من ممتلكاتي الخاصه
جوّالي
سلسالي الذهب اللي منقوش عليه إسمي
روجي الأحمر !
مناكيري الزهر !
شنطتي .. تعليقة جوّالي
كتبي
دفتر مذكراتي الفوشي
مخدتي الحمرا !
كنت أعتبره جزء منهم !
لكنه يختلف عنهم ب الإنسانيه فقط !
عمري مافكّرت أسلّف أي شخص
أي جزء منهم
ولا عمري بالخيال فكرت أعطيه لغيري وأنا عايشه !
كنت أعتبره جزء مني .. جزء شخصي جداً
ما أقبل التنازل والمساومه عنه !
حبّيته ب وحشيه
وجنون
سافرت معه بالتفكير لأقصى حدود الخيال
وحلّقت معه روحي لأعلى فضاءاتها
وكل هذا .. ب صـمت !!
ولا من درى !
..
أحبك
ومن يدري إني أحبك ؟
ماغير ربي وقلبي والوساده !
وليل الشوق اللي تسهره عيني
ودمعي يوم خانتني الإراده !!
..
ويااااااه ي الـ 7 سنين
وش أكتب فيها ؟ وحروف اللغه ماراح تسعفني .. ولو أسعفتني !
ولا راح تروي ضماي !
بعد ماكنت إنت .. ضماي إنت !
ضماي إنت !
ومن يعشق ضماه غيري ؟
..
وتوقعت إني ب أحقد لا غاب بس !
وتوقعت إني ب أكره .. لا نسى أو خان !
وهذا هو تزوج
والزواج مقبرة العاشقين وأكبر داعي للحقد
.. وألقاني أقول :
النصيب أكبر من أحلام الغرام !
وألقاني أقول :
بس أبيه مرتاح !
ومبسوط معها .. ويارب مايشوف يوم حزين معها
قسم بالله لو ضاقت عليك الأرض :
مابيــها !
وكنت أقول لها :
كيف رضيتي ؟ يتزوج وتتفرجين
كيف تدعين له بالخير ؟
كيف ؟
ماتغارين طيب ؟
والله لو انا .. اهون علي يموت ولا ياخذ غيري !
وهذا هو الحين
أخذ غيري
وأستكثر الشوكه لا أوجعته - بس بالخيال
ويتقطع قلبي
ياليتني بينك وبين المضرّه
من غزة الشوكه الى سكرة الموت !
أبواب قلبي مفتوحه .. ايه نعم !
لكن ذكراه موجوده ولا له إلا كل الخير بقلبي !
وكل ما وسوس لي إبليس أحقد
: رددت بقلب راضي بالنصيب
لا حول ولا قوة إلا بالله
إنا لله وإنا إليه راجعون .. لا إله إلا انت سبحانك إنك كنت من الظالمين
ونطقت كل ذكر عرفته بحياتي
كنت أبي أستعين على الألم ب الله !
أبي أستعين على قضاء الله .. ب الله
وصدق الحبيب :
( من رضي ؟ ف له الرضا )
...
أقدّر موقفك وأعذرك .. وأذكر عشرتك ب الخير !
وأكرر شكري وتقدير قلبي .. يابعـد قلبي
أنا واضح ! ولكن .. ما أملك القدره على التعبير
أمانه عش حياتك .. وإترك أحلامي تسافر بي !
تصاحبك السلامة والأمانه يانصيب الغير
أنا كل الكلام اللي ب أقوله : يحفظك ربي
يحفظك ربي
يحفظك ربي
يحفظك ربي
..
وسألتني أمس :
طيب وليه ماوافقتي عليه يوم كان يبي يخطبك ؟
: تستهبلين ؟
كان يعرف غيري
كان يكلّم وحده من قروبي وإكتشفت
وكانت الغيره معميتني
بعد كم شهر من إنتهاء علاقته فيها بالظلام
بغاني بالنور !
: والله إنه حقير ولعاب !
خيره إنه تزوج
: لو سمحتي لاتغلطين
مهما كان .. للحب إحترامه !
صح ما إرتبطت فيه صورياً وعقلياً
لكن قلبي مسامح !
وقلت إن من يعشق .. يسامح !
لو وصل حدّ الهلاك !
الحب أخلاق يادنيا !
الحب أخلاق ياصديقاتي
الحب أخلاق يامجموعات بشريه ويابنات خال وعم
وإن إنتهى الحب بغلطاته
ف ماراح أكمّلها على قلبي .. وأحقد عليه !
لأني ببساطه أبي راحة نفسي وروحي وقلبي
والحقد نار !
إذا إشتعل .. ماينطفي !
..
ولا عمري توقعت إن مفهومي للحب ونظرتي له
راح تكبر أكثر ..
ولا عمري توقعت إني راح أرجع اشوف الحياه بشكل عام
بصورة حلوه
ولا عمري أصلاً توقعت إني راح أرجع أبتسم
أو أرجع أسمع اشعار الحب بدون ما أتكّدر وأحقد !
ولا عمري توقعت إني راح أذكره بالخير لو تركني !
وراح أحفظ ذكرياته بقلبي .. وأحفظ إحترامه بلساني !
ولا عمري
ولا عمري !
لكني إستعنت بالحي الذي لايموت !
وماخيّبني !
حتى إن عقلي وقلمي إستجابوا لي
حتى إن مفاهيمي توسعت !
لو لي كلمات أبي أوجهها لأحد الحين
ماراح أوجه شي إلا لربي
أوجه له كلمات شكري وعرفاني
لأنه خلاني أعرفه وألجأ له !
..
يقولون ياصديقتي :
لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
***
لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
***
وإذا فرقت الايام بينكما فلا تتذكر لمن كنت تحب
غير كل احساس صادق
ولاتتحدث عنه إلا بكل ماهو رائع ونبيل
فقد اعطاك قلباً...واعطيته عمر وليس
هناك اغلى من القلب
والعمر في حياة الانسان
***
إذا سألوك يوماً عن انسان احببته فلا تقل سراً كان بينكما
ولا تحاول ابداً تشويه الصورة الجميلة لهذا الانسان
الذي احببته اجعل من قلبك مخبأ سرياً لكل اسراره وحكاياته
فالحب اخلاق قبل ان يكون مشاعر
